Yovvoyi hayvonlar ko‘zgudagi aksini ko‘rib nima qiladi? (video)

Zoologlar Amazoniyaning «Madre de Dios» tropik o‘rmonida o‘rnatgan ulkan ko‘zgu yovvoyi hayvonlar va qushlarning e’tiboridan chetda qolmadi. Bu jarayon qanday kechayotganini aniqlash uchun ko‘zgu atrofiga kameralar o‘rnatildi va bir necha oyga qoldirildi.

Yashirin kameralar ko‘rsatishicha, o‘z aksini ko‘rgan jonivorlarda reaksiya har xil kechadi.

Masalan, «raqiblar»ni ko‘rgan yovvoyi cho‘chqalar qochib qolishdi, aksincha, bir qush chaqirilmagan mehmonning adabini berib qo‘yishga urindi. Yakka yurgan otselot juda ehtiyotkor ekan, kutilmagan uchrashuvdan o‘zini olib qochdi. Faqat puma va yaguargina bu yerda kim aslida kimligini ko‘zgudagi aksiga isbotlashga uringan.

“Zamin” yangiliklarini “Facebook”da kuzatib boring