15:21 / 28.12.2014
6 016

Malayziyaning Air Asia aviakompaniyasiga tegishli Airbus aynan qaerga qulagani ma’lum qilindi

Malayziyaning Air Asia aviakompaniyasiga tegishli Airbus aynan qaerga qulagani ma’lum qilindi
Indoneziyadan Singapurga parvoz vaqtida radarlardan yo‘qolib qolgan Malayziyaning Air Asia aviakompaniyasining QZ8501 reysi Indoneziyaning Belitung oroli qirg‘oqlaridan 145 kilometr uzoqlikda qulagan bo‘lishi mumkin. Bu haqda Indoneziya qidiruv va qutqaruv milliy agentligi ma’lum qilmoqda.

Airbus A320-200 samolyoti katta ehtimol bilan 03.22.46 va 108.50.07 koordinatali joyda halokatga uchragan bo‘lishi mumkin. Taxminlarga ko‘ra, samolyot suvga qo‘nishga uringan bo‘lishi mumkin.

Avvalroq, Belitung orollari yaqinida Air Asia aviakompaniyasining yo‘qolib qolgan samolyoti fyuzelaji parchalari topilgani haqida xabar berilgan edi.

Ma’lumotlarga ko‘ra, samolyot borida 155 nafar yo‘lovchi (ularning aksariyati – indoneziyaliklar) va etti nafar ekipaj a’zosi bo‘lgan. Malayziyaning The Strait Times gazetasi xabariga ko‘ra, samolyotga chipta bron qilgan yo‘lovchilardan 23 nafari (8 ayol, 11 erkak va uch bola) samolyotga chiqmagan bo‘lishi mumkin.

Manba: Kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Malayziyaning Air Asia aviakompaniyasiga tegishli Airbus aynan qaerga qulagani ma’lum qilindi
[/banner_pushhouse