Indoneziyada ikkita orol suv ostida qolib ketdi

^{Foto: «RIA Novosti»}
Iqlim o‘zgarishi tufayli suv sathi ko‘tarilishi natijasida Indoneziyaning Janubiy Sumatra provinsiyasi tarkibiga kiruvchi ikkita orol suv ostida qolib ketdi, deb yozadi «Jakarta Post» gazetasi Indoneziya atrof-muhit forumi ma’lumotiga tayanib.

Farumning xabar berishicha, odam yashamaydigan kichik Betet va Gundul orollari suv ostiga g‘arq bo‘ldi. Ular dengiz sathidan 1 va 3 metr pastda qolib ketgan. Ta’kidlanishicha, Betet Berbak-Sembilang milliy bog‘ining bir qismi hisoblanadi.

Ma’lumotlarga ko‘ra, okean sathi ko‘tarilishiga qarshi hech qanday chora ko‘rilmasa, Indoneziyadagi yana to‘rtta orol yo‘q bo‘lib ketish xavfi ostida. “Zamin”ni Telegramʻda oʻqing!