Xitoyda koronavirus tarqalishi ortida himoya niqoblari tachqilligi yuzaga kelgan bir vaqtda noma’lum yigit politsiya bo‘limiga kelib, politsiyachilar uchun 500 ta niqob tashlab ketdi.
Ushbu holat aks etgan videoda qo‘lida niqoblar qutilari bo‘lgan noma’lum shaxs politsiya bo‘limiga kirib, u yerda niqoblarni qoldirib, so‘ngra tezda jo‘nab qolganini ko‘rish mumkin. Ta’kidlanishicha, voqea Anxoy provinsiyasida yuz bergan.
“Noma’lum shaxs politsiya bo‘limiga 500 ta niqob olib kelib, so‘ngra tezda u yerdan jo‘nab qoldi. Politsiyachilar uning ortidan yugurishgan, biroq uni quvlamay, shunchaki minnatdorlik bildirib qo‘yishgan”, deyilgan videoga izohda.
Yigitning ushbu ishi ko‘pchilik foydalanuvchilarni ajablantirgan, biroq ular yigit Xitoy uchun hozirgi murakkab vaziyatda politsiyachilar salomatligi haqida qayg‘urib, olijanoblik qilgan, degan o‘yga kelishgan.
Ayni vaqtda AQSHda ham koronavirus bilan bog‘liq holda himoya niqoblari taqchilligi yuzaga keldi. Biroq AQSH sog‘liqni saqlash vaziri Aleks Azar sarosimaga tushmaslikka va xavotirga berilmaslikka chaqirgan.
Xitoy va uning tashqarisida koronavirus keng tarqalayotgani sababli AQSHda himoya niqoblariga talab ortgan. Ushbu mahsulot taqchilligi poytaxt Vashington va boshqa shaharlarda kuzatilmoqda.
AQSHning kasalliklarni nazorat qilish va ularning oldini olish markazi ma’lumotlariga ko‘ra, AQSHda koronavirusni yuqtirish bo‘yicha 6 ta holat qayd etilgan. Bundan tashqari, AQSHda virusning odamdan odamga o‘tishi bo‘yicha birinchi holat qayd etildi: Chikagoda virus bir ayoldan qo‘shnisiga yuqqan. AQSHda virusning keng tarqalishining oldini olish maqsadida 20 ta aeroportda nazorat kuchaytirilgan. Shuningdek, mamlakatning 20 dan ko‘proq shtatida 70 dan ko‘proq odam koronavirus borligiga tekshirilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
SSKA ustozi Fedotov Abbos Fayzullayevning jamoaga qaytgani haqida nima dedi?
Xorazmda Eron korxonalari uchun alohida sanoat zonasi tashkil etilyapti
O‘zbekistonda Xitoy bilan hamkorlikda chiqindilarni yoqish zavodi quriladi
Kuleba Rossiya qachon muzokaralarda ishtirok etishi mumkinligi haqida gapirdi
Buyuk Britaniya va Ukraina 100 yillik hamkorlik bo‘yicha muzokaralarni boshladi
Tramp Ukrainadagi mojaroga barham berish uchun “maxfiy” reja ishlab chiqdi
Toshkent-Andijon pullik yo‘li loyihasi 4,65 mlrd dollarga baholandi