Britaniyalik tadqiqotchilar tomonidan olib borilgan yangi izlanishlar natijasiga ko‘ra, koronavirusning yo‘talish, isitma va hid bilish qobiliyatini yo‘qotish kabi alomatlari qatoriga teriga toshma toshishini ham qo‘shish kerak.
Olimlar o‘z tadqiqotlarida Buyuk Britaniyada yaratilgan “COVID simptomlarini o‘rganish” deb nomlangan mobil ilovadan foydalanishgan bo‘lib, bu ilovada odamlar o‘zlaridagi koronavirus alomatlarini yozib borishi mumkin. Ushbu ilova orqali 336 ming kishidan koronavirus simptomlari haqida ma’lumot olingan. Ajablanarlisi shundaki, ularning ko‘pchiligida teri toshmalari kuzatilgan.
Unga ko‘ra, koronavirusni yuqtirib olganlarning 8.8 foizining terisida kasallik alomati sifatida toshmalar ham paydo bo‘lgan. Bu esa toshmalar COVID-19 bilan bog‘liq bo‘lishi mumkinligini ko‘rsatmoqda.
«Ko‘plab virusli infeksiyalar odam terisiga ta’sir qilishi mumkin. Shuning uchun koronavirusga chalingan bemorlarning terisida toshmalar paydo bo‘lishi g‘ayrioddiy hodisa emas. Lekin, odamlar shuni bilishlari muhimki, ba’zi hollarda teridagi toshmalar koronavirusning birinchi yoki yagona alomati bo‘lishi mumkin. Shuning uchun siz teringizda yangi toshma paydo bo‘lganini ko‘rsangiz, buni jiddiy qabul qilishingiz va o‘zingizni izolyatsiyaga olib, imkon boricha tezroq koronavirusga test topshiringiz kerak», deydi ushbu tadqiqot muallifi dermatolog Veronika Batayle.
«Bu tadqiqotdan olingan ma’lumotlar shuni ko‘rsatadiki, odamlar o‘zlarining terisidagi shish, toshma kabi har qanday o‘zgarishlarga jiddiy e’tibor berishi kerak. Aholining koronavirus bilan bog‘liq bo‘lgan toshmalar haqida ertaroq ma’lum qilishi ushbu infeksiyaning aniqlanishi va uning tarqalishini to‘xtatishga yordam berishi mumkin», deydi Britaniya dermatologlari assotsiatsiyasi prezidenti Tanya Bleyker. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Jasur Jaloliddinov: "Finalda kuchli jamoa yutqazdi"
"Manchester Siti" futbolchisi Gvardiola haqida bor haqiqatlarni aytdi
Germaniyada Gebbelsning villasi istalgan odamga berib yuborilishi e’lon qilindi
Umarali Rahmonaliyev: "Butun O‘zbekiston xalqidan ming bor uzr so‘rayman"
Sobiq "Navbahor" murabbiyi o‘zbek va qozoq futboladigi farq haqida gapirdi
O‘zbekiston Olimpiya o‘yinlarining "S" guruhidan joy oldi
Vitaliy Levchenko: "G‘alabani qo‘ldan chiqardik"
Yevro-2024 uchun qaydnomadagi futbolchilar soni 23 dan 26 nafarga oshirildi