Foto:«RBK»
AQSH Isroil va boshqa qator davlatlar bilan birgalikda Eronga qarshi yangi sanksiyalar paketini joriy etmoqchi. Bu haqda Amerikaning «Axios» portali o‘z manbalariga asoslanib xabar bermoqda.
Nashrning yozishicha, AQSHning Eron bo‘yicha maxsus vakili Elliott Abrams Tehronga qarshi yangi cheklovlarni muhokama qilish uchun Tel-Avivga uchib ketgan.
Sanksiyalar 20 yanvargacha kuchga kirishi va AQSHning bo‘lajak prezidenti Jo Baydenning JKPOA shartnomasiga qaytish imkoniyatini cheklashi kerak. «Maqsad - 20 yanvarga qadar Eronga qarshi shuncha sanksiyalarni joriy qilish», - dedi portalda isroillik manba.
Ta’kidlanishicha, yangi cheklovlar Eron yadro dasturi bilan bog‘liq emas, balki mamlakatda ballistik raketalar rivojlanishini cheklashga qaratilgan.
Tel-Avivdagi muzokaralardan so‘ng Abrams BAA va Saudiya Arabistoniga ushbu mamlakatlar rasmiylari bilan sanksiyalar paketini muvofiqlashtirish uchun boradi, deb hisoblaydi tahlilchilar.
2015 yilda Buyuk Britaniya, Germaniya, Xitoy, Rossiya, AQSH, Fransiya va Eron Tehronning yadroviy majburiyatlari evaziga sanksiyalarni bekor qiladigan Qo‘shma Harakat Rejasi (JKPOA) to‘g‘risida kelishib olgandilar. Xuddi shu yili BMT Xavfsizlik Kengashi 2231-sonli qarorni qabul qildi, unda 2020 yil 18 oktabrda qurol-aslaha embargosi tugaganligini e’lon qilgandi.
2018 yilda AQSH prezidenti Donald Tramp JKPOA tarkibidan chiqib, Tehronga qarshi yana sanksiyalarni joriy qildi, bu esa Eronni yadroviy majburiyatlarini kamaytirishga undaydi.
Mazkur sanksiyalar Tramp ma’muriyatining so‘nggi qarorlaridan bo‘lishi mumkin. Xabaringiz bor, 3 noyabrda o‘tkazilgan AQSH prezidentlik saylovlarida Jo Bayden Trampni mag‘lub etdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Orzudagi uy — qishda issiq, yozda salqin. Bunga qanday erishish mumkin?
Putin Xitoy talabalariga qanday maslahat berdi?
“Umra” ziyoratiga borib kelish tartibi takomillashtiriladi
Pnevmatik qurollarni o‘z ixtiyori bilan topshirganlar javobgarlikdan ozod etiladi
Putin va Si Szinpin uchrashuvidagi "ishora" shtatlarda vahima uyg‘otdi
Mansab pillapoyalari: unga kimlar munosib?
Lavrov: Putin va Si Szinpin Xitoyning global xavfsizlik bo‘yicha tashabbusini muhokama qildi
Shimoliy Koreya yangi ko‘rsatkichlarga ega ballistik raketani sinovdan o‘tkazdi