Foto: «Interfax»
AQSH, Buyuk Britaniya va Avstraliya xavfsizlik sohasida uch tomonlama hamkorlikni yo‘lga qo‘ymoqda. «The Guardian» ushbu ittifoqni tuzishdan bosh maqsad Xitoyga qarshi turish ekanini taxmin qilmoqda.
AUKUS (uch mamlakat nomlari qisqartmasidan olingan — tahr.) nomini olgan ushbu tashabbus start olganini AQSH prezidenti Jo Bayden, Buyuk Britaniya bosh vaziri Boris Jonson va Avstraliya bosh vaziri Skott Morrison AQSHda bo‘lib o‘tgan onlayn brifingdan so‘ng ma’lum qilishdi.
Boris Jonsonning aytishicha, yangi alyans uch inglizzabon mamlakat mudofaa qudratini mustahkamlab, ko‘plab yangi ish o‘rinlari ochiladi. E’tiborli jihati, yangi ittifoq taqdimotida hech bir tomon uni tuzishdan asosiy maqsadi Xitoyni tiyib turish ekanini ochiqchasiga tilga olmadi.
Butun dunyo uchun muhim signallardan biri shu bo‘ldiki, kelgusi 18 oy davomida uch hamkor Avstraliyani yadroviy reaktorlar o‘rnatilgan suvosti kemalariga ega yettinchi mamlakatga aylantirish rejasi ustida ish olib borishadi. Yadroviy reaktorlar bilan harakatlanuvchi suvosti kemalari dizel dvigatelli submarinalarga qaraganda shovqinsizroq ishlaydi, ko‘zdan pana bo‘lish imkoniyati ham ancha yuqori.
O‘z navbatida, Avstraliya yadro quroli yaratishga intilmasligini qat’iy ta’kidladi. Uch mamlakat rahbarlari alyans tashqi tahdid va chorlovlarga qarshi hamkorlikni yanada jipslashtirishga xizmat qilishini bildirishgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Nega Tramp Zelenskiyni yomon ko‘radi?
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi