16:55 / 20.09.2021
738

Xitoyda bolalarning TikTok’dan foydalanish vaqtiga cheklov o‘rnatildi

Xitoyda bolalarning TikTok’dan foydalanish vaqtiga cheklov o‘rnatildi
Foto: Weibo
Xitoyda TikTok (Douyin) ilovasining 14 yoshdan kichik bo‘lgan foydalanuvchilariga nisbatan cheklovlar o‘rnatildi, deb xabar berdi South China Morning Post.

Ilovani ishlab chiqargan ByteDance kompaniyasining ma’lumotiga ko‘ra, bundan buyon 14 yoshdan kichik foydalanuvchilar ilovani kuniga 40 daqiqadan ortiq ishlata olmaydi. Bundan tashqari, ularda kech soat 10dan ertalabki 6gacha ilova ishlamaydi.

Qayd etilishicha, ushbu cheklovlar Xitoy hukumatining yoshlarda "internet-qaramlik"ning oldini olishga qarshi kurashi doirasida kiritilgan.

Shuningdek, ByteDance bolalar uchun TikTok ilovasiga o‘xshash Xiao Qu Xing ilovasini ishlab chiqdi. Xiao Qu Xing ilovasida asosan bilim beruvchi kontent joylashtirilgan va undan ham kuniga 40 daqiqagacha foydalanish mumkin.

Xitoy hukumati iyulda 16 yoshgacha bo‘lgan bolalarning strimlarda chiqishi, yulduzga aylanishi, ularni internet orqali daromad olishga undashni taqiqlagandi.

Hukumat bolalar internetidagi «voyaga yetmaganlarning jismoniy va ruhiy salomatligiga xavf soladigan» yetti muammoni sanab o‘tgan va yirik internet-platformalarga bu muammolarni hal qilishga buyruq bergan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Xitoyda bolalarning TikTok’dan foydalanish vaqtiga cheklov o‘rnatildi
[/banner_pushhouse