Shohruh Xonning o‘g‘li Aryan narkotik moddalarga oid jinoyat ishi bo‘yicha hibsga olindi

^{Foto: «Tribunnews.com»}
Shohrux Xonning to‘ng‘ich o‘g‘li 23 yashar Aryan Xon Mumbaydagi Cordelia Cruises kemasida o‘tkazilgan reyddan so‘ng Narkotik moddalarni nazorat qilish byurosi tomonidan hibsga olindi, deb xabar beradi «News.day.az».

Ma’lumotlarga ko‘ra, Bollivud yulduzi Shohrux Xonning o‘g‘li Aryan Xon narkoguruhga qo‘shilib qolgan. Aryan Xon 7 kishi bilan birga 2021 yil 2 oktabr kuni Mumbay-Goa yo‘nalishi bo‘ylab sayohatga chiqqan kruiz laynerida ushlangan. Undan tashqari yana ikki kishi − Arbaz Set Merchant va Munmun Dxamecha ish bo‘yicha asosiy gumonlanuvchi sifatida ko‘rilmoqda.

Aryan Xonning vakili sifatida advokat Satish Maneshinde tayinlangan.

Shohruxning o‘g‘li Aryan bir vaqtning o‘zida «Giyohvandlik vositalari va psixotrop moddalar to‘g‘risida»gi qonunning bir nechta moddalari bilan, jumladan, giyohvand moddalarni iste’mol qilish, ishlab chiqarish, saqlash va sotib olishda ayblanmoqda. Hibsga olinganidan ko‘p o‘tmay, aktyorning o‘g‘li tibbiy ko‘rikdan o‘tish uchun Mumbaydagi JJ kasalxonasiga olib ketilgan.

^{Foto: «News.day.az»}
2021 yil 2 oktabr kuni Giyohvand moddalarni nazorat qilish byurosi (NCB) Mumbay sohillari yaqinidagi sayohat kemasida ketayotgan partiyaga reyd uyushtirdi. Shunda mashhurlarning farzandlaridan biri hibsga olingani haqida xabarlar tarqaldi, keyinroq u Shohrux Xonning o‘g‘li Aryan Xon ekanligi ma’lum bo‘ldi.

«Biz xolis harakat qilyapmiz. Agar bu jarayonning Bollivud yoki badavlat odamlar bilan aloqasi bo‘lsa, shunday bo‘la qolsin. Biz qonun va vakolatlarimiz doirasida harakat qilamiz.

Mumbaydagi olib borilayotgan ishlar davom etadi. Agar ma’lumotlarga qaralsa, mazkur yilda 300 dan ortiq reyd o‘tkazilishi kerak. Bu chet el fuqarolari, kinosanoati yoki badavlat kishilar bo‘lishidan qat’i nazar, davom etadi», — deydi Mumbay Giyohvand moddalarni nazorat qilish byurosi (NCB) direktori Samir Vanxedan. “Zamin” yangiliklarini “Youtube”da kuzatib boring