Abramovich Rossiyadagi eng qimmat xususiy samolyotni sotib oldi

^{Foto: «Getty Images»}
Milliarder Roman Abramovich «Boeing 787-8 Dreamliner» samolyotini sotib oldi. Rossiyadagi eng qimmat xususiy samolyotning taxminiy narxi — 350 million dollar.

Samolyotni buyurtmachining talabi asosida jihozlash 2019 yilda boshlangan. «Flightradar» ma’lumotlariga ko‘ra, samolyot kecha, 18 dekabr sanasida Bazel (Shveysariya)dan Moskvaga uchib kelgan.

^{Illustrativ foto}
Yo‘lovchi tashuvchi «Boeing 787-8 Dreamliner» samolyotlari 250–330 odamni o‘z bag‘riga oladi.

Abramovichning yangi layneri esa, «Forbes» manbalarga asoslanib yozishicha, 50 yo‘lovchiga mo‘ljallangan (mehmonlar, qo‘riqchilar, xizmatkorlar shuning ichida). Ulkan samolyotlardan xususiy biznes-jet sifatida kamdan-kam foydalaniladi. Dunyo aviakompaniyalarida bu kabi samolyotlar jami 250 tani tashkil etadi. “Zamin”ni Telegramʻda oʻqing!