Misrlik ko‘zi ojiz qiz 18 oyda Qur’onni yod oldi

Ko‘rishda nuqsoni bo‘lgan 11 yoshli Roa al-Sayd ismli misrlik qiz 18 oy ichida Qur’onni to‘liq yodlab olgan.

Dakaliya viloyatining qishloq hududida yashovchi 6-sinf o‘quvchisi Qur’on o‘rgatiladigan mahalliy islom markaziga borib turgan.

Ta’lim markazi direktori Ihab al-Sharifning aytishicha, Roa katta ishtiyoq bilan o‘qigan. Qur’on hofizlari o‘rtasida o‘tkazilgan turli tanlovlarda bir qancha sovrinlarni qo‘lga kiritgan.

Qur’on yodlash markazi o‘qituvchilaridan biri Salim Bakrning aytishicha, qiz butun maktab uchun ibrat va namuna bo‘lgan. «U boshqa talabalarga umid bag‘ishlaydi», deb ta’kidlaydi o‘qituvchi.

Roaning aytishicha, u asosan smartfoniga o‘rnatilgan ilova orqali oyatlarni tinglab, Qur’onni yod olgan. “Zamin” yangiliklarini “Odnoklassniki”da kuzatib boring