Rossiya 36 mamlakat samolyotlari uchun oʻz osmonini yopdi

^{Foto: «Gazeta.Ru»}
«Rosaviatsiya» federal agentligi 36 mamlakat samolyotlari uchun maxsus ruxsatsiz Rossiya osmonida parvoz qilishni taqiqladi.

Agentlik ushbu qaror Evropa mamlakatlari avvalroq Rossiyaga nisbatan qoʻllagan parvozlar taqiqlanishiga javob chorasi ekanini ma'lum qilgan. Ta'kidlanishicha, roʻyxatga tushgan mamlakatlarning samolyotlari endi «Rosaviatsiya» yoki Rossiya TIV maxsus ruxsatnomasi boʻlsagina rus osmonida parvoz qilishi mumkin.

«Rosaviatsiya» parvozni taqiqlagan mamlakat va hududlar: Avstriya, Albaniya, Angliya (Britaniyaning dengizorti hududi), Belgiya, Bolgariya, Britaniya Virgin orollari, Buyuk Britaniya, Vengriya, Germaniya, Gibraltar, Gretsiya, Daniya (Grenlandiya, Farer orollari, Hududiy suvlar), Jersi, Irlandiya, Islandiya, Ispaniya, Italiya, Kanada, Kipr, Latviya, Litva, Lyuksemburg, Malta, Niderlandiya, Norvegiya, Polsha, Portugaliya, Ruminiya, Slovakiya, Sloveniya, Finlyandiya, Frantsiya, Xorvatiya, Chexiya, Shvetsiya va Estoniya.

Eslatib oʻtamiz, Evropa mamlakatlari oʻz havo kengliklarini Rossiya uchun butunlay yopgandi.

«Biz EI havo kengliklarini Rossiya samolyotlari uchun butunlay yopdik. Taqiqlov Rossiyaga qarashli, Rossiyada roʻyxatga olingan va Rossiya tomonidan nazorat qilinuvchi barcha samolyotlar uchun amal qiladi. Bu samolyotlar parvoz qilib EI havo kengliklariga kirishi yoki kesib oʻtishi hamda uning hududiga qoʻnishi taqiqlanadi», — degandi Evrokomissiya rahbari Ursula fon der Lyayen Bryusselda oʻtkazilgan matbuot anjumanida. “Zamin” yangiliklarini “Telegram”da kuzatib boring