YEI Rossiyaga qarshi sanksiyalarning to‘rtinchi paketini tayyorlayapti

^{Foto: «Interfaks»}
Yevroittifoq Rossiyaga qarshi sanksiyalarning to‘rtinchi paketini tayyorlashga kirishdi. Yevrokomissiya raisi Ursula fon der Lyayen bu haqda bayonot berdi.

«Bu sanksiyalar Rossiyani jahon iqtisodiy tizimidan yanada ko‘proq uzib qo‘yadi», — dedi rais Fransiya prezidenti Emmanuel Makron hamda Yevropa Ittifoqi rahbari Sharl Mishel bilan o‘tkazilgan matbuot anjumanida.

«Imkon qadar bo‘lg‘usi sanksiyalarning barcha turlarini ko‘rib chiqyapmiz», — qo‘shimcha qildi prezident Makron.

AQSH, YEI, Buyuk Britaniya va boshqalar Ukraina voqelari ortidan Rossiyaga son-sanoqsiz sanksiyalarni yukladi.

Bularga Putin bergan javob qiziq: «Istalgan sanksiya Rossiyaning foydasiga xizmat qiladi, o‘z iqtisodiy va texnologik suverentitetimizni mustahkamlash uchun — imkoniyat...». “Zamin”ni Telegramʻda oʻqing!