AQSh Tovar fyucherslari savdosi komissiyasi (CFTC) toʻliq garov bilan taʼminlangan voqea kontraktlari (event contracts) boʻyicha hisobot berish va hujjatlarni yuritish talablarini yengillashtiruvchi qaror qabul qildi. Ushbu oʻzgarishlar bashorat bozorlari operatorlari va kliring tashkilotlari uchun maʼmuriy yukni kamaytirishga qaratilgan. Bu haqda Cointelegraph.com xabar beradi.
Yangi qoidaga koʻra, CFTC belgilangan kontrakt bozorlari (DCM) va derivativlar kliring tashkilotlari (DCO) tomonidan amalga oshiriladigan ayrim operatsiyalar boʻyicha hisobot berish tartibini soddalashtirdi. Endilikda ushbu platformalar maʼlumotlarni bevosita komissiyaga taqdim etishlari mumkin. Roʻyxatga Polymarket, Kalshi va Gemini Titan kabi 19 ta platforma kiritilgan.
Ushbu qaror bashorat bozorlari ustidan nazorat qilish vakolati boʻyicha federal va shtat darajasidagi organlar oʻrtasidagi ziddiyatlar fonida qabul qilindi. CFTC oʻz vakolatini himoya qilish maqsadida Ogayo, Viskonsin va Nyu-York kabi shtatlar bilan sud jarayonlarida ishtirok etmoqda.
Shtat regulyatorlari bashorat bozorlarini qimor oʻyinlari deb hisoblasa, CFTC ularni derivativlar sifatida tartibga solish tarafdori. A16z kabi venchur fondlar esa shtatlarning cheklovlari federal qonunchilikka zid ekanligini va bozor rivojlanishiga toʻsqinlik qilayotganini taʼkidlamoqda.
“Zamin”ni Telegramʻda oʻqing!
