AQSH Vakillar palatasining Moliyaviy xizmatlar qoʻmitasi raisi French Hill CoinDesk nashriga bergan intervyusida tokenizatsiya masalasi kriptovalyutalar sohasidagi navbatdagi asosiy kun tartibi boʻlishini maʼlum qildi. Uning soʻzlariga koʻra, steyblkoinlar va bozor tuzilmasini tartibga solishdan soʻng, aynan real aktivlarni tokenizatsiya qilish qonun chiqaruvchilarning diqqat markazida boʻladi. Bu haqda Coindesk.com xabar beradi.
French Hillning taʼkidlashicha, Clarity Act qonun loyihasi boʻyicha ikki partiya oʻrtasida konsensusga erishish kutilmoqda. Avvalroq Vakillar palatasi steyblkoinlar savdosi, DeFi va etika qoidalarini oʻz ichiga olgan hujjatni 78 nafar demokratlarning ovozi bilan muvaffaqiyatli qabul qilgan edi. Endilikda Senat ham ushbu tajribadan foydalangan holda oʻz variantini ishlab chiqmoqda.
Qoʻmita mart oyi oxirida tokenizatsiya boʻyicha maxsus eshituv oʻtkazdi. Ushbu tadbirdan koʻzlangan asosiy maqsad SEC va bank regulyatorlariga real dunyo aktivlarini (RWA) tokenizatsiya qilish bilan shugʻullanuvchi kompaniyalar uchun qoʻshimcha vakolatlar yoki qoidalar zarurligini aniqlashdan iborat edi.
Hozirda qonun chiqaruvchilar ushbu sohani tartibga solish uchun yangi qonuniy baza yaratish kerakmi yoki mavjud regulyatorlar darajasidagi koʻrsatmalar yetarli boʻladimi degan masala ustida bosh qotirmoqdalar. French Hill va uning jamoasi ushbu jarayonda Bitcoin va boshqa raqamli aktivlar ekotizimini rivojlantirish uchun qulay huquqiy muhit yaratishni maqsad qilgan.
“Zamin”ni Telegramʻda oʻqing!
