O‘zbekistonliklar kelgusi haftada Ramazon hayiti munosabati bilan 5 kun dam olishadi. Bu haqda prezident Shavkat Mirziyoyev raisligida o‘tgan yig‘ilishda ma’lum qilindi.
“Kelgusi haftada Ramazon hayiti munosabati bilan ham aholimizga yana 5 kunlik dam olish beriladi. Bu hududlarda ichki turizmni rivojlantirish uchun qo‘shimcha imkoniyat. Endi ushbu ishlarni faqat bayramlar arafasida emas, balki yil davomida tizimli ravishda tashkil etish bo‘yicha yangi tartibni joriy etamiz”, - dedi prezident.
Davlat rahbarining so‘zlariga ko‘ra, bu yilgi Navro‘z bayrami munosabati bilan qo‘shimcha dam olish kunlari belgilangani, 250 ta mehmonxona va muzeylar aholiga chegirma bergani, ziyorat ob’ektlari bepul qilingani ichki turizm uchun katta turtki bergan. Bu orqali Buxoro va Samarqandga qo‘shimcha 110 ming mahalliy turistlar bordi.
Ta’kidlanishicha, 2022 yildan boshlab barcha davlat tashkilotlari xodimlari uchun yiliga bir marta mahalliy sayohatga chiqish xarajatlarining 20 foizini budjetdan tashqari mablag‘lar hisobidan qoplash amaliyoti yo‘lga qo‘yiladi.
Eslatib o‘tamiz, prezident farmoni bilan 2022 yilda qo‘shimcha dam olish kunlari va ayrim dam olish kunlarini boshqa kunga ko‘chirish belgilangan.
Besh kunlik ish haftasida ishlaydigan xodimlar uchun dam olish kunlari qo‘yidagi tartibda ko‘chirilgan.
- 7 maydan (shanba) 4 mayga (chorshanba);
- 14 maydan (shanba) 5 mayga (payshanba).
Haftasiga 6 kun ishlaydiganlar uchun bu kunlar qo‘shimcha dam olish kunlari bo‘ladi.
Aniq sanalar prezident Ramazon hayitini nishonlash to‘g‘risidagi farmonni imzolagandan so‘ng ma’lum bo‘ladi. Bu yilgi Ramazon hayiti 2 mayga to‘g‘ri kelishi kutilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
AQSH Isroilning ikki vaziriga sanksiya qo‘llamoqchi
Borrel YEIning Isroil bilan muloqotini to‘xtatishni taklif qildi
Kreml Ukraina bo‘yicha muzokarada shartlar qo‘yishga urinmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Rossiya armiyasi Kupyanskka kirgani aytilmoqda
Blinken Isroildan uchta muammoni hal etishni talab qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
