Gaz va elektr energiyasiga to‘lov narxlari oshirilishi haqidagi xabarlarga aniqlik kiritildi

Ijtimoiy tarmoqlarda gaz va elektr energiyasiga to‘lov narxlari oshirilishi bo‘yicha xabarlar tarqalmoqda. Moliya vazirligi mazkur xabarlarga munosabat bildirdi.

- "Sizga shuni ma’lum qilamizki, ayni kunlarda aholi va iqtisodiy tarmoqlarni sifatli va uzluksiz elektr energiyasi hamda tabiiy gaz bilan ta’minlash maqsadida energetika sohasini isloh qilishga qaratilgan Vazirlar Mahkamasining ‘Yoqilg‘i-energetika resurslarining narxlari va tariflarini o‘zgartirish to‘g‘risida’gi qaror loyihasi ish jarayonida va hujjatning loyihasi muhokama uchun ‘Regulation.uz’ga joylashtiriladi va barchaning fikr va takliflari ko‘rib chiqiladi", — deyiladi munosabatda. “Zamin”ni Telegramʻda oʻqing!