Farg‘onada Nexia oldin Spark va Damas’ga, keyin Paynet shoxobchasiga borib urildi (video)

^{Foto: Videodan skrinshot}
Ijtimoiy tarmoqlarda Farg‘onada Nexia haydovchisi boshqaruvni yo‘qotib, oldin Spark va Damas avtomashinalariga, keyin Paynet shoxobchasiga borib urilgani aks etgan video tarqaldi.

Mazkur yo‘l-transport hodisasi yuzasidan viloyat IIB YHXB axborot xizmati ma’lumot berdi.

pic.twitter.com/iYCXyl0xXQ

— Шухрат Раззаков (@ShuhratRazzakov) September 19, 2022

Qayd etilishicha, 2022 yil 16 sentabr kuni taxminan 18:00 larda Farg‘ona shahar 4R-140A avtomobil yo‘lining 5-kilometrida haydovchi M.M. Nexia-3 avtomashinasini tegishli hujjatlarsiz boshqarib borayotib, boshqaruvni yo‘qotishi natijasida yo‘l chetida to‘xtab turgan Spark va Damas rusumli transport vositalariga borib urilgan. Yo‘l-transport hodisasi natijasida transport vositalariga texnik shikast yetgan, tan jarohati olganlar yo‘q.

Hozirda holat yuzasidan surishtiruv ishlari olib borilmoqda. “Zamin” yangiliklarini “Telegram”da kuzatib boring