Namanganda yangi institut tashkil etildi

«Namangan to‘qimachilik sanoati institutini tashkil etish to‘g‘risida»gi Prezident qarori (PQ–386-son, 05.10.2022 y.) qabul qilindi.

Qarorga ko‘ra, Institut to‘qimachilik sanoati tarmoqlari uchun mehnat bozorida raqobatbardosh, yuqori malakaga ega oliy ma’lumotli va ilmiy-pedagog kadrlar tayyorlaydi.

2024/2025 o‘quv yiliga qadar Institut huzurida to‘qimachilik texnoparki faoliyati yo‘lga qo‘yiladi.

2026/2027 o‘quv yiliga qadar Institutning kamida 2 ta bakalavriat ta’lim yo‘nalishi va 3 ta magistratura mutaxassisligi xalqaro tan olingan tashkilotlar akkreditatsiyasidan o‘tkaziladi.

Shuningdek, Institut tarkibida quyidagilar yuridik shaxs maqomisiz tashkil etiladi:

- Ilg‘or to‘qimachilik muhandisligi maktabi;
- Dizayn studiyasi;
- Innovatsiyalar va texnologiyalar transferi markazi.

Institutda o‘qish quyidagi ta’lim yo‘nalishlari va mutaxassisiliklar bo‘yicha tashkil etiladi:

Bakalavriat ta’lim yo‘nalishlari:
- To‘qimachilik muhandisligi;
- To‘qimachilik mashinalari muhandisligi;
- Sanoat mahsulotlarini loyihalash va muhandislik ishi;
- To‘qimachilik kimyosi, bo‘yash va pardozlash muhandisligi;
- Tabiiy tolalarni dastlabki ishlash texnologiyasi;
- To‘qimachilik va yengil sanoat dizayni.

Magistratura mutaxassisliklari:
- To‘qimachilik muhandisligi;
- To‘qimachilik mahsulotlarini ishlab chiqarish texnologiyasi (mahsulot turlari bo‘yicha);
- To‘qimachilik mashinalari muhandisligi;
- Sanoat mahsulotlarini loyihalash va muhandislik ishi;
- To‘qimachilik kimyosi, bo‘yash va pardozlash muhandisligi;
- Tabiiy tolalarni dastlabki ishlash texnologiyasi;
- To‘qimachilik va yengil sanoat dizayni;
- To‘qimachilik mahsulotlari marketingi. “Zamin” yangiliklarini “Twitter”da kuzatib boring