Payg‘ambarimiz Muhammad sollallohu alayhi vasallam yana qanday taomlarni afzal ko‘rganlar? Bu haqdagi ma’lumotlarni bilish bizga foydali. Shuningdek, har kuni dasturxonimizda bo‘lishi kerak bo‘lgan mahsulotlarni bilib olamiz.
Sut
Sut Rasululloh sollallohu alayhi vasallamning eng sevimli ichimligi edi. Bu ichimlikning bebaho foydali xususiyatlari borki, buni Payg‘ambarimiz sollallohu alayhi vasallamning quyidagi so‘zlari tasdiqlaydi: “Agar sizlardan biringiz ovqat yesa, u holda aytsin: “Allohim, buning barakasini bergin va eng yaxshisini ber. Va agar u sut ichsa, u holda aytsin: "Allohim, uni bizga fayzli qil, ziyoda qilgin. Sutdan boshqa taom va ichimlikning o‘rnini bosadigan narsa yo‘q" (Abu Dovud, at-Termiziy, Ibn Moja).
Boshqa bir hadisda shunday deyilgan: “Suti shifo, yog‘i davo, go‘shti kasallikdir” (at-Tabaroniy).
Sariyog‘
Abdulloh ibn Busr va uning ukalari rivoyat qiladilar: “Bir kuni Rasululloh sollallohu alayhi vasallam biznikiga marhamat qildilar, biz unga sariyog‘ va xurmo tortdik. Rasululloh sollallohu alayhi vasallam sariyog‘ni juda yaxshi ko‘rar yedilar” (Abu Dovud).
Zaytun moyi
Zaytun yetmishdan ortiq kasalliklarga davo hisoblanadi. Demak, zaytun moyi erkin radikallarning organizmga zararli ta’sirini kamaytiradi, saraton kasalligining oldini olishda muhim rol o‘ynaydi. Zaytun moyi yurak-qon tomir kasalliklarining oldini olishda ham foydali. Qonning quyuqlashishini oldini oladi va uning tomirlar bo‘ylab harakatlanishini tezlashtiradi, yuqori qon bosimini pasaytirishda yordamchi bo‘lib, semirishning oldini oladi.
Rasululloh sollallohu alayhi vasallam aytdilar: “Zaytunni taomga qo‘shib yenglar, uning yog‘i bilan badaningizni yog‘lang, muborak daraxtdandir”, deb marhamat qilganlar. (Imom Ahmad, Termiziy, Hokim).
Asal
Asalning foydali xususiyatlari uzoq vaqtdan beri ma’lum. Asal qon aylanish tizimi, ovqat hazm qilish tizimi kasalliklarini davolaydi, immunitetni mustahkamlaydi, astma, oshqozon yarasi va hokazolarni davolaydi. Qur’oni Karim va sahih hadislarda asal haqida so‘z bor.
Jumladan, Qur’onda Alloh taolo asal ishlab chiqarish funksiyasini in’om etgan asalarilar haqida so‘z boradi (ma’nosi): “...Qorinlaridan turli rangdagi ichimlik chiqar. Unda odamlar uchun shifo bordir. Albatta, bunda tafakkur qiluvchilar uchun oyat (belgi) bordir...” (Nahl surasi, 69-oyat).
Abu Hurayra (roziyallohu anhu) rivoyat qilgan hadisda Payg‘ambar sollallohu alayhi vasallam: “Sizlarga ikki shifo vositasi berildi – asal va Qur’on”, dedilar. (Ibn Moja).
Sirka
Sirka sog‘liq uchun ajoyib xususiyatlarga ega: u metabolizmni yaxshilaydi va jismoniy mashqlar paytida va stressdan keyin qondagi ortiqcha sut kislotasini parchalaydi. Diareya rivojlanishiga to‘sqinlik qiladi. Ovqat hazm qilish va metabolizmni tezlashtiradi. Tishlarning mo‘rtlashishini oldini oladi. Oshqozonda, shuningdek, ingichka va katta ichaklarda yashovchi parazitlarni o‘ldiradi. Oshqozon buzilishi bilan og‘rigan bemorlarda ovqat hazm qilishni yaxshilaydi. Ichaklarni dezinfeksiya qiladi va hokazo.
Oisha (roziyallohu anho) rivoyat qilgan hadisda Rasululloh sollallohu alayhi vasallamning quyidagi so‘zlari keltirilgan: “Sirka – u eng yaxshi xurushdir”. (Imom Muslim).
Suv
Suv hayot manbai va borliqning asosidir, chunki Alloh taolo barcha mavjudotlarni suvdan yaratgan. Rasululloh sollallohu alayhi vasallam aytdilar: “Albatta, bu va oxiratning barcha ichimliklarining bekasi (ya’ni eng yaxshi ichimlik) suvdir” (Tabaroniy).
Sunnatga ko‘ra, suvni kam-kamdan bo‘lib ichish kerak. Rasululloh sollallohu alayhi vasallam aytdilar: “Sizlardan biringiz suv ichsa, bir qultumda ichmasin, chunki bu jigar kasalligiga olib keladi!” (Abu Nuaym).
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
