Fargʻonada DXX va boshqa huquq-tartibot idoralari bilan hamkorlikda oʻtkazilgan tezkor-qidiruv tadbirlari natijasida narkotik moddalarn noqonuniy aylanmasiga chek qoʻyildi. Bu haqda «Oʻzbekiston 24» telekanalining «Yangiliklar» informatsion dasturida xabar berildi.
Xususan, Fargʻona shahrida yashovchi, muqaddam giyohvandlik vositalari savdosi bilan bogʻliq jinoyat sodir etgani uchun sudlangan 44 yoshli fuqaroning uyi atrofi tekshirilganda, erga koʻmib qoʻyilgan 21 kilogramm 579 gramm gashish moddasi borligi aniqlangan.
Ma'lum boʻlishicha, tojikistonlik narkokurerlar tomonidan kontrabanda yoʻli bilan olib kelingan ushbu giyohvandlik vositasini u Toshkent shahri hamda Fargʻona vodiysi viloyatlarida sotishni rejalashtirgan.
Mazkur shaxsning jinoiy sherigini aniqlash maqsadida tezkor tadbir davom ettirilib, Fargʻona—Toshkent yoʻnalishida harakatlanib ketayotgan Nexia Namangan viloyatining Pop tumani hududida toʻxtatilib, koʻzdan kechirilgan.
Natijada Fargʻona tumanida istiqomat qiluvchi, 39 yoshli fuqaro boshqaruvidagi avtomashina yukxonasida 2 kilogramm 816 gramm gashish borligi aniqlanib, tegishli tartibda rasmiylashtirib olingan.
DXX xodimlari tomonidan viloyat IIB bilan hamkorlikda oʻtkazilgan tezkor tadbirda esa Qoʻqon shahrida yashovchi, 33 yoshli fuqaro xonadonida 4 kilogramm 831 gramm opiy va 995 gramm gashish moddalari topilgan.
— Shuxrat Razzakov (@ShuhratRazzakov) November 30, 2022
Aniqlanishicha, ushbu giyohvandlik vositalari Qoʻqon shahrida yashovchi, 25 yoshli shaxsga tegishli boʻlib, u Tojikistondan kontrabanda yoʻli bilan olib kelingan va Toshkent shahrida sotish rejalashtirilgan.
Hozirda mazkur holatlar yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari olib borilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
