Qo‘qon shahrida qarzdor ota 85 mln. so‘m aliment pullarini oldindan to‘ladi

Barchamizga ma’lumki, oila muqaddas dargoh, unda dunyoga kelgan farzandlar himoyasiz bo‘lib, eng avvalo ota-onaning parvarishi va ta’minotiga muhtoj bo‘ladi. Qonunchiligimizda, bolaning voyaga yetguniga qadar uning ta’minoti, ta’limi va tarbiyasi uchun bevosita ota-ona javobgarligi belgilab qo‘yilgan.

FIB Qo‘qon tumanlararo sudining 15.09.2013 yildagi sud buyrug‘iga ko‘ra, qarzdor A.Sh.dan undiruvchi A.Z.ning foydasiga bir nafar voyaga yetmagan farzandining voyaga yetguniga qadar har oyda jami daromadining 1/4 qismi miqdorida aliment undirilishi belgilangan bo‘lib, davlat ijrochisi tomonidan qarzdorga uning huquq va majburiyatlari tushuntirilgan.

Qarzdor A.Sh. 30.11.2022 yil kuni undiruvchi A.Z. bilan o‘zaro kelishgan holda 1 nafar farzandini 18 yoshga to‘lguniga qadar bo‘lgan davr uchun hisoblangan 85.000.000 so‘m aliment pullarini oldindan to‘liq to‘lab berdi va ijro hujjati tamomlandi. “Zamin” yangiliklarini “Telegram”da kuzatib boring