Musofirga juma namozini o‘qish vojibmi?

CAVOL:
Meni kasbim taksichilik. Shaharlar viloyatlar bo‘ylab odam tashib kira qilaman. Ko‘pincha juma kunlari safarda bo‘lib qolaman. Shunda menga juma namozini o‘qish vojibmi yoki peshin namozini o‘qisam bo‘laveradimi?

JAVOB:
Juma namozi musofirga vojib emas, lekin imkon topib juma namozini o‘qisa, uning namozi juma namozi sifatida ado etilgan bo‘ladi va peshin soqit bo‘ladi.

"Juma namozi musofirga vojib emas. Chunki juma namozini o‘qishda unga mashaqqat yetadi. Chunki imomni kutib safardan qolib ketadi. Shuning uchun ro‘za kabi juma ham undan soqit bo‘ladi" (Javharatun nayyira). Vallohu a’lam.

Manba: O‘zbekiston musulmonlari idorasi Fatvo markazi “Zamin” yangiliklarini “Telegram”da kuzatib boring