Saida Mirziyoyeva bolalar kutubxonasi uchun hissa qo‘shgan barcha mutaxassislarga minnatdorlik bildirdi
Respublika bolalar kutubxonasi – shahrimiz aholisi uchun eng qadrli va sevimli joylardan biri. Ushbu loyihada yuksak me’morchilik namunasini o‘tgan asr boshida qurilgan ko‘rinishda saqlab qolish biz uchun juda muhim edi.
Bino boy tarixga ega. Turli yillarda bu binoda Toshkent shahar dumasi va Jamoat yig‘ini, 1965 yildan esa mashhur bolalar kutubxonasi faoliyat ko‘rsatgan. Afsuski kutubxona ko‘p yillar davomida qarovsiz ahvolda qolgan va u rekonstruksiyaga muhtoj edi. Biz 2020 yilda qayta tiklash ishlarini boshladik va nihoyat vazifa uddalandi!
Bu o‘ziga xos maskanda ko‘plab topilmalarga duch keldik. Masalan, devor suvoqlari ortidan o‘tgan asr o‘rtalarida ishlangan ajoyib devoriy suratlar chiqdi. Natijada – tarix ruhi va zamonaviy muhit bir joyda mujassam bo‘ldi.
O‘z ishining ustalari mehnatini munosib baholaysiz, degan umiddamiz. Bugundan boshlab kutubxonamiz eshiklari barcha kitobsevar yurtdoshlarimiz uchun ochiq!
“Respublika bolalar kutubxonasini restavratsiya va rekonstruksiya qilishga hissa qo‘shgan barcha mutaxassislarga alohida minnatdorchiligimni bildirmoqchiman. Birgalikda yurtimiz kelajagi uchun qo‘limizdan kelgan barcha ishlarni amalga oshirishda davom etamiz”, — deydi prezident yordamchisi.
Saida Mirziyoyeva, Bolalar kutubxonasi, Prezident yordamchisi “Zamin” yangiliklarini “Instagram”da kuzatib boring
