15:30 / 03.11.2023
103

Shavkat Mirziyoyev “Turk dunyosining oliy ordeni” bilan taqdirlandi

Foto: Prezident matbuot xizmati

Shavkat Mirziyoyev “Turk dunyosining oliy ordeni” bilan taqdirlandi. Bu haqda Prezident matbuot xizmati xabar berdi.

Turkiy davlatlar tashkiloti davlatlar rahbarlari kengashi yig‘ilishi doirasida O‘zbekiston prezidentiga turkiy xalqlar oilasining birligini mustahkamlashga, turkiy mamlakatlarning manfaatlari va qarashlarini xalqaro maydonda faol ilgari surishga qo‘shgan ulkan hissasi uchun ushbu mukofotni tantanali topshirish marosimi bo‘lib o‘tdi.

Tadbirda Qozog‘iston, Ozarbayjon, Qirg‘iziston, Turkiya prezidentlati, Vengriya bosh vaziri Viktor Orban, Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov ishtirok etdi.

Foto: Prezident matbuot xizmati

Tashkilot davlatlari rahbarlari nomidan mukofotni Qozog‘iston prezidenti topshirdi.

Foto: Prezident matbuot xizmati
Bu mukofotni men birinchi navbatda chinakam birodarlik rishtalari asosida yangidan yuksalayotgan yaqin do‘stligimiz va hamkorligimiz ramzi, deb bilaman”, — dedi Shavkat Mirziyoyev hamkasblarga minnatdorlik bildirib.
Barchamizning orzu va maqsadlarimiz, intilish va harakatlarimiz uyg‘un va hamohangdir. Azaldan do‘st va qardosh bo‘lgan turkiy xalqlarimiz bundan keyin ham ahil va hamjihat bo‘lib, yorug‘ kelajakni birgalikda bunyod etadilar”, —  deya qo‘shimcha qildi prezident Shavkat Mirziyoyev.
Foto: Prezident matbuot xizmati

O‘zbekiston 2019-yilda Turkiy davlatlar tashkilotiga a’zo bo‘lib kirganidan buyon mamlakat tomonidan turkiy mamlakatlar o‘rtasida do‘stlik, yaxshi qo‘shnichilik va ko‘p qirrali hamkorlikni mustahkamlashga qaratilgan 50 dan ortiq taklif va tashabbuslar ilgari surildi.

O‘zbekistonning tashkilotga raisligi davrda 100 dan ziyod turli tadbirlar o‘tkazildi, amaliy hamkorlikning yangi samarali mexanizmlari yaratildi, nufuzli global va mintaqaviy tuzilmalar bilan yaqin sheriklik aloqalari yo‘lga qo‘yildi.


arenda kvartira tashkent

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat