06:00 / 08.01.2024

O‘zbekiston Markaziy Osiyo bo‘yicha eng qimmat benzinga ega

^{Foto: Getty Images}

O‘zbekiston eng arzon benzinga ega Markaziy Osiyo davlatlari orasida oxirgi o‘rinni, dunyo bo‘ylab esa 57-o‘rinni egalladi. Global Petrol Prices tegishli reytingni tuzdi.

Reytingda 1 yanvar holatiga ko‘ra, O‘zbekistondagi yoqilg‘i narxi litri uchun salkam 1,14 dollar etib belgilangan, bu jahon bo‘yicha o‘rtacha narxdan (1,30 dollar) kam. Ammo Markaziy Osiyo davlatlari bilan taqqoslanganda O‘zbekistonda benzin narxi yuqoriligicha qolmoqda.

Mintaqadagi eng arzon narx (0,428 dollar) Turkmanistonda qayd etilgan. Qo‘shni respublika yoqilg‘i narxi bo‘yicha jahonda 8-o‘rinni egallab turibdi. Markaziy Osiyodagi ko‘rsatkichlar quyidagicha:

Qozog‘iston 11-o‘rin (0,534 dollar)

Qirg‘iziston 25-o‘rin (0,801 dollar)

Afg‘oniston 48-o‘rin (1,059 dollar)

Tojikistondagi narxlar bo‘yicha ma’lumot taqdim etilmagan. Ushbu reyting turli mamlakatlar o‘rtasidagi benzin narxlaridagi sezilarli farqni aks ettiradi, boy mamlakatlarda narxlar ko‘pincha yuqori bo‘ladi, kambag‘al mamlakatlar, neft ishlab chiqaruvchi va eksport qiluvchi mamlakatlarda esa arzonroq.

AQSH bundan mustasno bo‘lib, iqtisodiy rivojlangan mamlakatda benzinning nisbatan arzon narxini ta’minlaydi (0,911). Eng arzon benzin ro‘yxatini Eron (0,029 dollar) boshqarmoqda, undan keyingi o‘rinlarni Liviya, Venesuela, Jazoir, Kuvayt, Angola va Misr egallagan.