Noqonuniy qurilgan bostirma va objuvoz buzdirildi

Ayrim hollarda, hududlarda yer qonunchiligiga rioya qilmaslik, yer uchastkalaridan maqsadsiz va samarasiz foydalanish, jumladan, noqonuniy qurilmalar qurish, shuningdek, yerlarni o‘zboshimchalik bilan egallash holatlari uchrayotganligini inkor etib bo‘lmaydi.

Hozirda, Byuroning Andijon viloyat boshqarmasi va hududiy bo‘limlari tomonidan ham sud qarorlariga asosan o‘zboshimchalik bilan qurilgan qurilmalarni bartaraf etish bo‘yicha majburiy ijro harakatlari olib borilmoqda.

Fuqarolik ishlari bo‘yicha Izboskan tumanlararo sudining ijro varaqasiga asosan da’vogar Yu.A.ga tegishli Paxtaobod tumani Yolg‘izbog‘ MFY o‘ramida 326,2 kv.m yer maydonida joylashgan savdo do‘koni hududida javobgar M.Yu tomonidan o‘zboshimchalik bilan jami 370 kv.m yer maydoniga qurilgan noqonuniy bino-inshootlar, ya’ni bostirma, yordamchi bino, objuvoz va objuvoz to‘ponxonasi majburiy tartibda buzdirilishi belgilangan.

Byuroning Paxtaobod tuman bo‘limi ish yurituviga kelib tushgan sudning ushbu ijro hujjati ijrosi ta’minlanib, ijro harakatlari davomida mazkur noqonuniy qurilgan qurilmalar majburiy tartibda buzdirildi. “Zamin” yangiliklarini “Telegram”da kuzatib boring