Farg‘onada qidiruvdagi yana bir jinoyatchi qo‘lga olindi

^{Foto: Farg‘ona viloyati IIB}
Farg‘ona viloyatida jinoyat sodir etib, qidiruvda bo‘lgan yana bir shaxs ushlandi. Bu haqda viloyat IIB xabar berdi.

Unga ko‘ra, viloyat Ichki ishlar boshqarmasi Tumanlararo PPX otryad xodimlari Jinoyat kodeksining 128-moddasi (o‘n olti yoshga to‘lmagan shaxs bilan jinsiy aloqa qilish) 1-qismida ko‘rsatilgan jinoyatni sodir etib, Oltiariq tumani IIB tomonidan qidiruv e’lon qilingan D.S. qo‘lga olindi.

Aprel oyida Farg‘ona viloyati Ichki ishlar boshqarmasi post-patrul xizmati va JTSB 1-Mintaqaviy hudud 1-otryad xodimlari Jinoyat kodeksining 168-moddasi 1-qismida (firibgarlik) ko‘rsatilgan jinoyatni sodir etib, qidiruv e’lon qilingan D.I.ni qo‘lga olgandi.

“Qidiruvdagi shaxslar haqida biror ma’lumotga ega bo‘lsangiz, yaqin oradagi ichki ishlar bo‘limlariga xabar bering. Shaxsingiz sir saqlanishi ta’minlanadi”, — deya murojaat qilgan viloyat IIB. “Zamin” yangiliklarini “Odnoklassniki”da kuzatib boring