Andijonda qabr qaziyotgan fuqaroni tuproq bosib qoldi

^{Foto: FVV matbuot xizmati}
Andijon viloyatining Xonobod shahridagi qabristonda qabr qaziyotgan fuqaroni tuproq bosib qoldi. Bu haqda FVV matbuot xizmati xabar berdi.

15 may kuni soat 09:11 da Andijon viloyati Favqulodda vaziyatlar boshqarmasiga Xonobod shahar Markaziy qabristonida fuqaroni qabr qazish vaqtida tuproq bosib qolganli to‘g‘risida murojaat kelib tushgan.

Zudlik bilan aytilgan manzilga qutqaruvchilar yetib borib, maxsus asbob-anjomlar yordamida qutqaruv ishlarini amalga oshirgan. Olib borilgan tezkor harakatlar natijasida fuqaro tuproq ostidan olib chiqilib, birinchi yordam ko‘rsatilgan va shifoxonaga yuborilgan.

^{Foto: FVV matbuot xizmati}
Hozirda fuqaroning ahvoli yaxshi va u shifokorlar nazoratida. “Zamin”ni Telegramʻda oʻqing!