Birinchi qo‘ng‘iroq sadolari yangradi

Yurtimizdagi barcha umumta’lim maktablarida bo‘lgani kabi bugun Farg‘ona viloyatidagi ta’lim muassasalarida “Birinchi qo‘ng‘iroq” tadbiri o‘tkazildi.

Beshariq tumanidagi 14-umumta’lim maktabida ham yangi o‘quv yili boshlanishiga bag‘ishlangan tantanali tadbir “Yangi hayot uchun, Yangi O‘zbekiston uchun!” shiori ostida tashkil etildi.

Yozgi ta’tildan so‘ng jonajon maktab quchog‘iga qaytgan o‘quvchilar ilm ummonida yuksak marralarni zabt etishga shaylangan bo‘lsa, maktab ostonasiga birinchi qadami qo‘ygan 180 nafar o‘g‘il-qiz ilk bor qo‘liga qalam tutdi. Ularga o‘quv qurollari jamlangan “Prezident sovg‘asi” o‘qituvchilar va o‘quvchilar, ularning ota-onalari, faxriy ustozlar, mahalla faollari ishtirokida tantanali topshirildi.

Birinchi qo‘ng‘iroq sadolari ostida maktabda “Mustaqillik darslari” boshlandi. “Zamin” yangiliklarini “Vkontakti”da kuzatib boring