SUBYEKTIV loyihasi yana bir o‘ta og‘riqli muammo tahliliga qo‘l urdi. Mualliflar bu gal suv tanqisligi va Orol fojiasini ochib berishga, tomoshabinning suvga munosabatini o‘zgartiradigan kontent qilishga bel bog‘lashgan.
Aytilgan birinchi raqamning o‘ziyoq kelajagini O‘zbekiston bilan bog‘lagan har qanday vatandoshni o‘ylantiradi: biz suv tanqisligi bo‘yicha dunyoda 25-, suv sarfi bo‘yicha esa 12-o‘rinda turamiz.
Ijodkorlar ko‘rsatuv ustida 2 oydan ortiq vaqt ishlashgan. 5000 km yo‘l bosishgan, har bir viloyatdagi suv sifatini o‘rganishgan, Orol dengizining qurigan tubiga, Amudaryoning Tojikistondagi boshigacha borib kelishgan.
Biz o‘zini mas’uliyatli fuqaro deb hisoblovchi har bir o‘zbekistonlikni suv borasida tejamkor bo‘lishga, ko‘rsatuvni ko‘rishga va uning ommalashishi uchun ko‘maklashishga chorlab qolamiz. Chunki bu ko‘rsatuv SUBYEKTIV'ning avvalgi sonlari kabi millionlab marta ko‘rilishi qiyin. Garchi tanlangan mavzu dolzarbligi jihatidan avval ko‘tarilgan hech qaysi muammodan qolishmasa-da.
Shunday bo‘lsa-da, harna bir necha ming inson shu bahona suv haqida jiddiy mulohaza qilsa, tejashga odatlansa va bu bilan ko‘rsatuv hech bo‘lmasa ming litr suv isrofining oldi olinishiga sababchi bo‘lsa, ko‘zlagan minimal maqsadimizga erishdik, desak bo‘ladi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH G‘azo sektori bo‘yicha yangi reja taqdim etdi
Malayziya bosh vaziri G‘arbni ikkiyuzlamachilikda aybladi
“Kavkaz asirasi”da hech kim payqamagan xatolik: Shurikning sochi qanaqa rangda?
AQSH rasmiylari: Isroil va HAMAS o‘rtasidagi kelishuv yakunlanish arafasida
Farg‘onada Cobalt'lar ortilgan avtotreyler YTHga uchradi
Lavrov «qizil chiziqlar bo‘yicha hazillashmaslik kerakligi»ni aytdi
CNN taslim bo‘lgan ukrainalik askarlarning otib tashlanishi aks etgan videoni e’lon qildi
Alen Delonning vasiyatnomasi farzandlariga topshirildi
