![Televizor pulti yuqumli viruslar manbai ekani tasdiqlandi](/uploads/posts/2024-09/xde8b94ef0b_tv-remote.webp.pagespeed.ic.Awp4q2MQjq.webp)
AQSHda bir qator nufuzli universitetlarda o‘tkazilgan tadqiqotlar televizorning pulti uydagi eng kir buyum va yuqumli viruslar o‘chog‘i hisoblanishini tasdiqladi.
Televizorni masofadan boshqaradigan gadjetga bir kunda nechta qo‘l tegadi. Ba’zida pult polga tushib ketadi yoki televizor orqasida chang yig‘adi. Ekran oldida ovqatlanayotganda, yog‘li qo‘llar bilan pultga tegiladi. Yanayam yomoni, kimdir pultga qarab aksirgan, yuvilmagan qo‘llari bilan ushlagan va hatto ustidan bosib o‘tgan bo‘lishi mumkin. Bunga hissa qo‘shadigan yana bir omil shundaki, pult tez kirlanadi, uni tozalash esa qiyin. Chunki pultlardagi tirqishlar ishni murakkablashtiradi.
Arizona universitetining atrof-muhit mikrobiologiyasi bo‘limi mutaxassisi doktor Charlz Gerbaning ta’kidlashicha, uydagi pult hojatxona, rakovina jo‘mragi, eshik tutqichlari va hatto yuvilmagan ko‘rpa-to‘shaklardan ham kirroq hisoblanadi.
Virjiniya universiteti tadqiqotchilari o‘zlari tekshirgan pultlarning yarmida shamollash viruslari mavjudligini aniqladi. Faol mikroblar bunday pultlarda kamida 24 soat yashay oladi: hatto bitta tugmani bosish orqali kasallikni yuqtirib olish mumkin.
Bu faqat uydagi holat. Sayohatga chiqqanda mehmonxonadagi televizor pultiga qo‘l tekkizishda yanada ehtiyotkor bo‘lish lozim, chunki xonadagi eng kir buyum aynan pult sanaladi. Qolaversa, avvalgi mijozlar tozalikka qanchalik rioya qilgani noma’lum.
Pultlar qanday tozalanadi?
Pultlarni muntazam ravishda tozalash juda muhim. Masofaviy boshqaruv qurilmasini tozalashda quyidagilar tavsiya etiladi:
- Pult yuzasini tozalash uchun spirtli mato yoki salfetkalardan foydalaning;
- Tirqishlardagi chang va oziq-ovqat zarralarini chiqarib tashlang;
- Pultni plastik qoplama bilan o‘rash ham mumkin. Uning yuzasini tugmalar funksionalligiga putur yetkazmasdan osonlik bilan tozalash mumkin bo‘ladi. Ammo qoplamani vaqti-vaqti bilan almashtirishni unutmaslik lozim.
AQSHdagi New Remote Inc. kompaniyasi rahbarlari sog‘lik uchun ancha xavfsiz pultni ishlab chiqqani aytilmoqda. Clean Remote nomli universal pult tekis, tugmalar o‘rniga bo‘rtiqlardan iborat, tirqishlarsiz va yuzasi bakteriyalarga chidamli qilib yaratilgan. Ta’kidlanishicha, ushbu pultni dezinfeksiyalovchi vosita bilan osongina artib tozalash mumkin, bunda mikroblar va kirlar to‘planadigan tirqishlar qolmaydi.
Qayd etilishicha, AQSHdagi qator kasalxonalar va mehmonxonalar Clean Remote pultlaridan foydalanishga o‘tmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Xitoy va Rossiya sentyabr oxirigacha harbiy mashg‘ulotlar o‘tkazadi расм](/uploads/posts/2024-09/xdc3b604246_1.webp.pagespeed.ic.SezATT8gNj.webp)
Xitoy va Rossiya sentyabr oxirigacha harbiy mashg‘ulotlar o‘tkazadi
![O‘zbekiston va Rossiya hukumatlararo qo‘shma komissiyaning navbatdagi majlisi bo‘lib o‘tdi расм](/uploads/posts/2024-09/x536b010a70_2024-09-092023_01_17-v9qpxd_b.webp.pagespeed.ic.gYW6aS_aTD.webp)
O‘zbekiston va Rossiya hukumatlararo qo‘shma komissiyaning navbatdagi majlisi bo‘lib o‘tdi
![Besh arab davlati Isroilga talab qo‘ydi расм](/uploads/posts/2024-09/xd2c07cef8f_920__95_1374385324.webp.pagespeed.ic.ebGXPFENvC.webp)
Besh arab davlati Isroilga talab qo‘ydi
![Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi расм](/uploads/posts/2024-09/x13c9bb0dfa_nfcjm6hvlxy9gu5g_unab7ngkngxofbl.webp.pagespeed.ic.sOri8Ep9Z5.webp)
Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi
![Armaniston Ozarbayjonga tinchlik shartnomasi loyihasini topshirdi расм](/uploads/posts/2024-09/x85cb7c0a42_photo_2024-09-09_20-29-50-v8ns6d9s.webp.pagespeed.ic.1jeOpE3tjZ.webp)
Armaniston Ozarbayjonga tinchlik shartnomasi loyihasini topshirdi
![Saida Mirziyoyeva Qatarga tashrif buyurdi расм](/uploads/posts/2024-09/xfc9db46a13_apgfdw_n6hou791ghwv7zealz1dmrbqc.webp.pagespeed.ic.0Th9vgbPUE.webp)
Saida Mirziyoyeva Qatarga tashrif buyurdi
![Samarqand shahridagi ko‘pqavatli uyda gaz portladi расм](/uploads/posts/2024-09/x5e94c8de18_lyer1x0slczpm3nxbktypouh5wjfhor8.webp.pagespeed.ic.Z2PC3KYFTl.webp)
Samarqand shahridagi ko‘pqavatli uyda gaz portladi
![Shaxmat Olimpiadasi: ikkinchi tur bizga Afrika vakillarini ro‘baro‘ qildi расм](/uploads/posts/2024-09/x5f5f211ed9_f6e170c753120407d5c736a55c629fa7.webp.pagespeed.ic.DAhewU310y.webp)
Shaxmat Olimpiadasi: ikkinchi tur bizga Afrika vakillarini ro‘baro‘ qildi