31 oktyabrdan boshlab Toshkent shahridagi markazlashgan issiqlik tizimi xizmatlari uchun narxlar 15 foizga oshdi. Bu haqda poytaxt hokimi Shavkat Umrzoqov qarorini imzoladi.
Qayd etilishicha, xalq deputatlari Toshkent shahar kengashining shu yil 12 sentyabrdagi qarori inobatga olingan holda “Veolia Energy Tashkent” MCHJ XK tomonidan ko‘rsatiladigan markazlashgan issiqlik ta’minoti xizmatlari uchun yangi narxlar tasdiqlandi.
Unga ko‘ra, tartibga solinadigan bazaviy narx va budjet tashkilotlari tarifi amaldagi darajasida 664 465 so‘m/Gkal va 801 963 so‘m/Gkal to‘laydi. Mazkur tarif aholi uchun 1 Gkalga 121 617 so‘m, boshqa ulgurji tashkilotlar uchun 244 497 so‘m deb belgilandi.
Ta’kidlanishicha, ushbu narxlar pasaytirilgan bo‘lib, yuzaga keladigan zararlar va investitsion xarajatlarga asoslantirilgan hisob-kitoblarga muvofiq, Toshkent shahar mahalliy budjeti hisobidan har oyda subsidiyalar ajratish orqali qoplab beriladi.
Bunda subsidiya mablag‘lari “ Veolia Energy Tashkent” MCHJ XK va Toshkent shahar Davlat-xususiy sheriklik bo‘limi tomonidan taqdim qilinadigan hisob-kitoblarga ko‘ra o‘zgarmas, o‘zgaruvchan xarajatlar hamda investitsion xarajatlarga bo‘lingan holda moliyalashtirib beriladi.
Eslatib o‘tamiz, poytaxt issiqlik ta’minoti uchun narxlar 2024 yilning 2 aprelida ham 15 foizga ko‘tarilgandi.
Ma’lumot uchun, 2025-2027 yillar uchun Budjetnoma loyihasida aholiga pasaytirilgan narxlarda issiqlik yetkazib berishdagi zararni qoplash uchun budjetdan 4,2 trln so‘m subsidiya ajratilishi belgilangan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
