2 mlrd so‘mlik gazdan noqonuniy foydalangan novvoyxona aniqlandi

^{Foto: O‘zenergoinspeksiya}
“O‘zenergoinspeksiya” xabariga ko‘ra, “E.K.” MCHJga qarashli novvoyxonada hisoblagichdan tashqari yashirin yo‘l bilan to‘g‘ridan to‘g‘ri tarmoqqa ulanib, tabiiy gazdan noqonuniy foydalanilgan.

Ushbu qoidabuzarlik natijasida gaz ta’minoti korxonasi va davlat manfaatlariga 2 mlrd 92 mln so‘mlik zarar yetkazilgan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi. “Zamin”ni Telegramʻda oʻqing!