Volkswagen avtomashinasi xatlandi

Sudning tijorat banki foydasiga qarzdor "O.B" fermer xoʻjaligidan 72 mln. soʻm kredit qarzdorlik undiruvi toʻgʻrisidagi ijro varaqasi byuroning Doʻstlik tumani boʻlimiga kelib tushgan.

Mazkur ijro ishi doirasida qarzdor bir necha bor ogohlantirilishiga qaramasdan qarzdorlikni toʻlashdan bosh tortib, oʻziga tegishli boʻlgan avtomashinasini xatlashdan yashirib kelgan.

Ijro harakatlari davomida qarzdorga tegishli «VOLKSWAGEN ID4» avtomashinasi hatlanib, jarima maydonchasiga joylashtirildi.

Kelgusida, qarzdorlik toʻliq qoplanmagan taqdirda mazkur avtotransport elektron-onlayn savdolariga chiqariladi. Sotuvdan tushgan pullardan mavjud qarzdorliklar qoplanishi ta'minlanadi. “Zamin” yangiliklarini “Telegram”da kuzatib boring