Avval xabar berganimizdek, O‘zbekiston Qahramoni, O‘zbekiston xalq shoiri, davlat va jamoat arbobi, O‘zbekiston Respublikasi madhiyasi muallifi Abdulla Oripov 5 noyabr kuni AQShning Xyuston shahridagi shifoxonada vafot etgandi.
Abdulla Oripovning vafoti haqida O‘zbekiston Tashqi ishlar vazirligi bergan bayonotda marhumning jasadini O‘zbekistonga olib maqsadida O‘zbekiston Respublikasining AQShdagi Elchixonasiga konsullik va boshqa masalalarni zudlik bilan hal qilish uchun barcha zarur choralarni ko‘rish to‘g‘risida ko‘rsatma berilgani aytilgan edi.
«Qalampir» nashri xabariga ko‘ra Shoirning jasadi ortilgan samolyot 7 noyabr kuni soat 20:00 da AQShdan Toshkent xalqaro aeroportiga kelib qo‘nishi, dafn marosimi 8 noyabr kuni o‘tkazilishi haqida marhum shoirning shogirdi, O‘zbekiston Yozuvchilar uyuushmasi a’zosi shoir Muhammad Ismoil o‘zining Facebook’dagi sahifasi orqali xabar bergandi.
Biroq, noma’lum sabablarga ko‘ra marhum shoirning dafn marosimi vaqti kechikib bordi.
Turli mish-mish va shubha-gumonlar urchib borayotgani sabab, bu holatga aniqlik kiritish maqsadida O‘zbeksiton Yozuvchilar uyushmasi a’zosi Azizbek Turdiev bilan bog‘lanishga harakat qildik.
Uning aytishicha, marhum shoirning dafn marosimi ertaga, 10 noyabr kuni o‘tkazilishi kutilyapti.
Lekin biz Azizbek Turdievdan “Marhumning jasadi O‘zbekistonga olib kelindimi? Qachon keltirildi? Agar keltirilmagan bo‘lsa, endi qachon olib kelinadi?”, degan savollarga javob ololmadik.
Shundan so‘ng, to‘liqroq ma’lumot olish uchun shoir Muhammad Ismoil bilan bog‘landik. Muhammad Ismoilning aytishicha, Abdulla Oripovning jasadini olib kelish uchun shoirning ayoli, qizi va o‘g‘li AQShga jo‘nab ketishgan. Ular ertaga tongacha Toshkentga qaytishi taxmin qilinyapti.
“Abdulla Oripovning janozasi 10 noyabr kuni soat 13:00 da o‘tkazilishi rejalashtirilmoqda”, deydi O‘zbekiston Yozuvchilar uyushmasi a’zosi Muhammad Ismoil.
Buyuk shoir, O‘zbekiston Qahramoni va O‘zbekiston xalq shoiri, davlat va jamoat arbobi, O‘zbekiston Respublikasi madhiyasi muallifi Abdulla Oripovning jasadi ertaga 10 noyabr kuni “Chig‘atoy” qabristonida tuproqqa qo‘yiladi.
Ma’lumot uchun, Abdulla Oripov 1941 yil 21 martda Qashqadaryo viloyati Koson tumanidagi Neko‘z qishlog‘ida tug‘ilgan. Birinchi marta respublika matbuotida “Qushcha” deb atalgan she’ri chiqqan paytda Abdulla Oripov talaba edi. Shoirning birinchi she’rlar to‘plami “Mitti yulduz” esa 1965 yilda chop etilgan.
Abdulla Oripov xalqimizni dunyo adabiyotining sara namunalari bilan tanishtirish borasida ham talay ishlarni amalga oshirgan. U Dantening “Ilohiy komediya” asarini, L.Ukrainka, T.Shevchenko, N.Nekrasov, Q.Quliev, R.Hamzatov singari shoirlarning she’rlarini mahorat bilan o‘zbek tiliga o‘girgan.
Abdulla Oripov ijodkorlar orasida birinchi bo‘lib, 1998 yilda O‘zbekiston Qahramoni yuksak unvoniga sazovor bo‘ldi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
