Sevgisi rad etilgan yigit Lacettini olib qochdi
Toshkentda sevgisi rad etilgan 29 yoshli R.M. ko‘chada turgan, eshiklari ochiq va kaliti o‘t oldirgichda bo‘lgan Lacettini haydab ketdi. U keyinchalik pushaymon bo‘lib, avtomobilni yo‘l chetida qoldirgan va mashina egasiga sog‘-salomat qaytarilgan. Bektemir tuman sudi R.M.ni Jinoyat kodeksining 267-moddasi 1-qismi bo‘yicha aybli deb topib, unga 4 yil ozodlikdan mahrum qilish jazosi tayinladi.
Toshkent shahrida sevgida rad javobi olgan yigit alamdan qonunbuzarlikka qo‘l urdi, deb xabar berdi poytaxt Ichki ishlar bosh boshqarmasi.
Ma’lumotlarga ko‘ra, 29 yoshli R.M. sevgan qizi sovchilarini qabul qilmaganidan keyin asabiylashib, ko‘chada turgan Lacetti avtomashinasini ko‘rib qolgan. Mashinaning eshiklari ochiq, kaliti esa o‘t oldirgichda bo‘lgan. U bir daqiqa ehtiyotsizlik bilan “hayotdan alam chiqarish” maqsadida uni haydap ketgan.
Yigit keyinchalik qilmishidan pushaymon bo‘lib, mashinani yo‘l chetida qoldirib ketgan. Avtomobil egasiga sog‘-salomat qaytarilgan.
Bektemir tuman sudi R.M.ni Jinoyat kodeksining 267-moddasi 1-qismi — transport vositasini olib qochish bo‘yicha aybli deb topdi. Uning qilmishidan chin dildan afsuslangani va mashinani buzmasdan qaytargani inobatga olinib, unga 4 yil ozodlikdan mahrum qilish jazosi tayinlandi.
Hokimiyat va huquq idoralari yoshlarga “ehtiros bilan emas, aql bilan qaror qabul qilish”ni tavsiya etmoqda.
Izohlar 0
…