12 405
Prezident Termizda qurilayotgan 34 ta 7 qavatli uyni mustaqillik bayramigacha bitirish to‘g‘risida topshiriq berdi
O‘zbekiston Respublikasi Prezidenti Shavkat Mirziyoyev Termiz shahrida bunyod etiladigan ko‘p qavatli arzon, zamonaviy uy-joylar, dehqon bozori va savdo kompleksi, zamonaviy istirohat bog‘i loyihalari bilan tanishdi, deb yozadi Qalampir.uz sayti.
O‘zbekiston Respublikasining Birinchi Prezidenti Islom Abdug‘anievich Karimov rahnamoligida Termiz shahrida ko‘plab zamonaviy inshootlar, turar joylar qurildi.
Prezident Shavkat Mirziyoyevning 2016 yil 22 noyabrdagi qaroriga muvofiq Termiz shahrida 34 etti qavatli arzon uy-joy bunyod etilishi belgilangan. Bunday uylar aholi, ayniqsa, ehtiyojmand oilalarning uy-joyga bo‘lgan talabini qondirishda muhim ahamiyat kasb etadi.
Imtiyozli ipoteka krediti asosida beriladigan ikki, uch va to‘rt xonali beshta uy Sulton Saodat ko‘chasida bunyod etilmoqda. 210 xonadonga mo‘ljallangan zamonaviy uylar uchun o‘n gektar er ajratilgan. Loyihaga ko‘ra, bu erda ikkita maktabgacha ta’lim muassasasi, savdo va maishiy xizmat ko‘rsatish ob’ektlari, mahalla markazi quriladi.
Prezident yangi uylarni eng ulug‘, eng aziz bayram – Vatanimiz mustaqilligining 26 yilligigacha foydalanishga topshirish, ularda aholining yashashi uchun barcha sharoit yaratish bo‘yicha zarur ko‘rsatmalar berdi.
Termiz shahrining Alisher Navoiy ko‘chasida quriladigan dehqon bozori va savdo kompleksi loyihasiga 40 milliard so‘m mablag‘ yo‘naltirilishi rejalashtirilgan. Kompleksda dehqon bozori pavilonlari, ikkita ko‘p qavatli zamonaviy supermarket, avtomobillar turar joyi qurish va yil oxirigacha foydalanishga topshirish mo‘ljallanmoqda.
Bunday yirik ob’ektlarni barpo etishdan maqsad xalqimiz turmush farovonligini oshirish, aholiga savdo va xizmat ko‘rsatish madaniyatini yanada yuksaltirishdan iborat, dedi davlatimiz rahbari. Buning uchun kompleksni zamonaviy arxitektura va milliy me’morlik andozalari asosida qurish, atrofini obodonlashtirish, odamlarga qulayliklar yaratishga alohida e’tibor qaratish zarur.
Termiz shahrida yoshlar bog‘i barpo etiladi.
Prezident bog‘ loyihasi bilan tanishar ekan, mazkur bog‘ni shahar aholisi farzandlari bilan sayr qiladigan, hordiq chiqaradigan maskanga aylantirish zarurligini ta’kidladi. Shu nuqtai nazardan loyihani yana bir bor sinchiklab ko‘rib chiqish lozimligi qayd etildi.
Prezident Surxondaryo bo‘yida bunyod etilayotgan “Amudaryo” bolalar sog‘lomlashtirish markazi, bu erda bolajonlar uchun tashkil etiladigan infratuzilma ob’ektlari loyihasi bilan ham tanishdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
22 noyabr kuni Cobalt avtomobiliga shartnoma ochilishi e’lon qilindi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
2026 yilda bo‘lajak mundialning favoritlari reytingi taqdim etildi
Shavkat Mirziyoyev Rossiya bosh prokurori bilan uchrashuv o‘tkazdi
Italiya sudi Quddus Isroil poytaxti emasligi haqida qaror chiqardi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
