Chimgan tog'larida uch fuqaro yo'lidan adashib qoldi
28 dekabr kuni Bostanliq tumanidagi Chimeon mahallasida joylashgan “Qiziljar” tog'ida sayr qilgan uch nafar fuqaro yo'lini yo'qotib, ortga qayta olmagan. Chimgan qutqaruv otryadi qidiruv ishlari natijasida ularni topib, tog'dan xavfsiz tushirishga yordam berdi. Hodisa oqibatida hech kim jabrlanmadi.
FVV matbuot xizmati xabariga ko'ra, 28 dekabr kuni Toshkent viloyati FVBga 112 qisqa raqami orqali Bostanliq tumanidan shoshilinch murojaat kelib tushdi. Bu haqda upl.uz xabar beradi.
Ma'lum bo'lishicha, uch nafar fuqaro Chimeon mahallasidagi "Qiziljar" tog'iga sayrga chiqqan, biroq yo'lni yo'qotib, o'z kuchi bilan ortga qayta olmagan.
Xabar ortidan Chimgan qutqaruv otryadi tezkor ravishda hududga yo'l oldi. Qidiruv ishlari natijasida adashganlar topilib, ularga tog'dan xavfsiz tushish va xavfsiz joyga yetkazishda amaliy yordam ko'rsatildi.
Hodisa oqibatida hech kim jabrlanmadi.
Izohlar 0
…