Majburiy ijro byurosi Shahrixon tuman bo‘limi tomonidan sudning turar-joydan ko‘chirish bilan bog‘liq ijro hujjati ijrosi yuzasidan majburiy ijro harakatlari amalga oshirildi.
Xususan, fuqarolik ishlari bo‘yicha Bo‘ston tumanlaro sudining 05.07.2025 yildagi ijro varaqasiga asosan javobgarlar T.E. va boshqalar Shahrixon tumani, Markaz MFY, Boyto‘pi ko‘chasida joylashgan uyning bir qismidan ko‘chirilishi belgilangan.
Ijro hujjatiga muvofiq, qarzdorlarga sud qarorini ixtiyoriy ravishda bajarishi uchun qonunchilikda belgilangan muddat berilgan.
Biroq, javobgarlar tomonidan ijro hujjati talabi belgilangan muddatda bajarilmaganligi sababli davlat ijrochisi tomonidan majburiy ijro choralari ko‘rildi.
Ijro harakatlari xolislar ishtirokida belgilangan tartibda o‘tkazildi. Jamoat tartibini ta’minlash maqsadida tegishli idoralar va mutasaddi tashkilotlar jalb etildi.
Ijro harakatlari natijasida sud qarori ijrosi ta’minlanib, fuqaroning buzilgan huquqlari tiklandi.
