Toshkentda ayol kishi "Matiz"da 1-sinf o‘quvchisini urib ketdi

Toshkentning Yashnobod tumanida “Matiz” haydovchisi birinchi sinf o‘quvchisini urib ketdi. Bola turli jarohatlar bilan kasalxonaga etkazildi, deb yozadi Uz24 sayti.

Xabarga ko‘ra, 1 aprel runi 37 yoshli ayol “Matiz” “Aviasozlar-4” mavzesidagi 39-raqamli uy qarshisida 244-maktabning 1-sinf o‘quvchisini urib ketgan. Toshkent IIBB YHXB matbuot xizmatining xabar berishicha, bola 4-shahar klinik shifoxonasiga turli jarohatlar bilan olib ketilgan.

Dastlabki ma’lumotlarga ko‘ra, bola yo‘lni belgilanmagan joydan kesib o‘tayotgan bo‘lgan. Hozirda ushbu holat yuzasidan tekshiruv ishlari o‘tkazilmoqda. “Zamin”ni Telegramʻda oʻqing!