Xorijdagi o‘zbekistonliklar pasportni chet elda turib almashtirsa bo‘ladimi?

— Xorijdagi o‘zbekistonliklar amal qilish muddati tugagan yoki yaroqsiz pasportlarini qayerda almashtirishlari mumkin?

Jasur LAZIZBEKOV, Mirobod tumani

Savolga Tashqi ishlar vazir­ligi konsullik bosh­qarmasi birinchi kotibi Munira NIZOMOVA javob beradi:

— Xorijiy mamlakatga doimiy yashashga chiqib ketgan O‘zbekiston fuqarolari 16 yoshga to‘lganda, pasportlarining amal qilish muddati tugaganda yoki yo‘qotganda, shaxsini tasdiqlovchi hujjatlari yaroqsiz holga kelganda, vizalar va maxsus belgilar uchun mo‘ljallangan varaqlari to‘lganda yangi pasport olish uchun O‘zbekiston Respublikasining chet eldagi diplomatik vakolatxonalari va konsullik muassasalariga murojaat etishlari kerak. Buning uchun fuqaro o‘zi doimiy konsullik ro‘yxatiga olingan O‘zbekiston Respublikasining xorijdagi vakolatxonasiga ariza ­berishi lozim. Qanday holatda pasport olayotganidan ­kelib chiqib, arizaga quyidagi hujjatlar ilova qilinadi:

— pasport nusxasi (yozuv va belgilari bor barcha varaqlaridan nusxa olinadi);

— 1-shakl bo‘yicha ariza (arizachi tomonidan 1 nusxada to‘ldiriladi);

— 3,5 x 4,5 sm hajmdagi 4 dona fotosurat;

— arizachining chet elga doimiy yashashga chiqqanini tasdiqlovchi hujjat (pasportidagi Ichki ishlar vazirligi tomonidan berilgan «Doimiy yashashga chiqishga ruxsat berildi» yozuvli stiker, MDH mamlakatlariga doimiy yashashga ketganlar uchun esa manzildan chiqish varaqasining tasdiqlangan nusxasi).


Manba: sof.uz “Zamin” yangiliklarini “Facebook”da kuzatib boring