Surgutda yangi millioner paydo bo‘ldi

Hozircha xavfsizlik maqsadlarini ko‘zlab ismi-sharifi sir tutilayotgan surgutlik erkak atigi 50 rublga bir donagina «Stoloto» lotereyasini sotib olgandi. Xudo beraman desa o‘ziga oson ekan-da! Shu bittagina lotereya chiptasiga 32, 4 million rubl pul yutib oldi. Shunday qilib Rossiyaning Surgut shahrida yana bir millioner paydo bo‘ldi. Buyursin!
Eslatib o‘tamiz, yaqinda Voronej viloyatida yashovchi 63 yoshli Natalya Vlasova degan onaxon ham do‘kondan bir dona lotereya sotib olib 506 million rubl egasiga aylangandi.