Toshkent shahrining Mirobod tumanidagi yana bir masjid qayta ta’mirlanib, uning yangi binosiga birinchi g‘isht qo‘yildi. Bu haqda O‘zbekiston Musulmonlari idorasi matbuot xizmati xabar qilmoqda.
Toshkent shahrining Fayziobod mahallasida joylashgan “Valixo‘ja o‘g‘li Norxo‘ja” jome masjidi dastlab 1962 yilda qurilgan. Sobiq ittifoq davrida masjid deyarli faoliyat yuritmagan. 1991-1992 yillarda Fayziobod mahallasida istiqomat qilgan Valixo‘ja o‘g‘li Norxo‘ja hojining xayrli tashabbusi hamda mahalla ahli va faollari ishtirokida hashar yo‘li bilan qayta tiklanib, ta’mirlangan. 1997-yilda masjidga “Valixo‘ja o‘g‘li Norxo‘ja” jome masjidi nomi berilgan. 1999-yildan jome masjid sifatida faoliyat ko‘rsatmoqda.
O‘tgan davr mobaynida masjid binosi eskirganligi, bugunda ta’mirtalab holga kelib qolganligi tufayli mahalla ahli ezgu niyat bilan masjidni qayta qurish taklifini olg‘a surishdi. Va bu xayrli tashabbus qo‘llab-quvvatlangach, shu yilning avgust oyida qayta qurish ishlari boshlab yuborilgan edi.
Joriy yilning 2 dekabr kuni Toshkent shahrining Mirobod tumanidagi “Valixo‘ja o‘g‘li Norxo‘ja” jome masjidning yangidan qurilishi rejalashtirilgan binosi uchun birinchi g‘isht qo‘yildi.
Ushbu tadbirda O‘zbekiston Musulmonlari idorasi raisi, muftiy Usmonxon Alimov, mutasaddi tashkilotlar vakillari, masjid tashabbuskorlari va mahalla faollari qatnashdi.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
Ukraina kamikadze dronlari Belgorod viloyatidagi aholi punktlariga hujum uyushtirdi
Xoakin Bakli "qattiq" jangchi. Biroq Nursulton Ro‘ziboyev...
Qozog‘istonda davlatlararo qidiruvga berilgan shaxs Samarqandda ushlandi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi
Pentagon rahbari Xitoyni AQSHning asosiy raqibi deb atadi
Rassom oddiy narsalardan sehrli va qiziqarli san’at asarlari yaratmoqda