Qirg‘iziston hukumati O‘zbekistonga Issiq-Ko‘ldagi 4 ta pansionatni qaytarishni taklif etmoqda. Bu haqda bugun, 12 dekabr kuni, Jo‘qorg‘u Keneshning iqtisodiy va fiskal siyosat bo‘yicha qo‘mitasi yig‘ilishi davomida bosh vazir o‘rinbosari Dair Kenekeyev ma’lum qildi.
Uning so‘zlariga ko‘ra, O‘zbekiston va Qirg‘iziston o‘rtasidagi Issiq-Ko‘l viloyati ob’ektlari bo‘yicha bitim loyihasi deputatlarning ko‘rib chiqishi uchun taklif etilgan.
«Bitim Issiq-Ko‘ldagi 4 ta pansionat: Bosteri, «Altin Jay «(sobiq «Rohat»), «Ene Say» («Dilorom»), «Bo‘ston»ni nazarda tutadi. Sobiq prezidentning O‘zbekistonga tashrifi davomida ushbu pansionatlar bo‘yicha kelishuv bor edi. O‘zbekiston bu masalaga yechim topish uchun arbitrajga murojaat qildi, ular egalik huquqini qayta ko‘rib chiqishni so‘rashmoqda. Hukumat huquqiy asosda ko‘rib chiqilishini xohlaydi», - deya aytib o‘tdi u.
Uning qo‘shimcha qilishicha, pansionatlar joylashgan yerlar Qirg‘iziston Respublikasiga tegishli bo‘lishda davom etadi, biroq mulkning o‘zi O‘zbekiston ixtiyoriga o‘tishi lozim.
«Keyinchalik biz ko‘rsatmoqdamizki, O‘zbekiston rasmiylashtirishdan so‘ng pansionatlarni yil davomida ishlaydigan va ishchilarining 30 foizi Qirg‘izistondan bo‘lgan 3-4 yulduzli mehmonxonalar darajasiga yetkazishi kerak. Biz bu masalaga yechim topish bo‘yicha tegishli hujjatni imzolashni taklif etmoqdamiz», - deya aytib o‘tdi u.
Deputatlarning ta’kidlashicha, bu eski bitimning o‘zi. Deputat Farhod Tulendiboyev hozirgi paytda mavjud bo‘lgan qarzlar bilan nima bo‘lishi borasida qiziqqan.
Davlat mulklarini boshqarish bo‘yicha jamg‘arma raisining o‘rinbosari Bekbo‘lat Aliyevning aniqlik kiritishicha, qarzdorliklar mamlakat o‘rtasida emas, balki xo‘jalik yurituvchi sub’ektlar o‘rtasida bo‘lgan. Barcha masalalar qonunchilikka muvofiq hal etiladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Hatto meva mumkin emas: jigar uchun zararli uch odat
Chet el valyutalarining o‘zbek so‘miga nisbatan yangi qiymati belgilandi
Taniqli aktyor va rejissyor Mashrab Kimsanov 69 yoshida vafot etdi
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Germaniyada rossiyalik shaxs ikki ukrainalik harbiyni pichoqladi
Timur Kapadze tarixiy natija qayd etilganidan so‘ng nimalar dedi?