Toshkent shahar IIBB xodimlari tomonidan soxta YHXB xodimi aniqlandi. Bu haqda boshqarma matbuot xizmati xabar berdi.
20 yanvar kuni soat taxminan 14:30larda, poytaxtimizning Sergeli tumanida joylashgan «Sergeli» YPX maskanida xizmat olib borayotgan YHXB xodimlariga, o‘zining fuqarolik burchini bajargan shaxs murojaat qilib, Binokor ko‘chasidagi avtomobil yo‘lida avtomashina haydovchilarini to‘xtatib, ularning hujjatlarini tekshirayotgan YHXB xodimi unda shubha uyg‘otganini ma’lum qilgan.
Mazkur xabar asosida Toshkent shahar IIBB xodimlari yuqorida ko‘rsatib o‘tilgan joyga borgan vaqtlarida, haqiqatdan ham fuqaro Azizbek Ashiraliyevich Ruzimatov, ichki ishlar organi xodimlari xizmat kiyimida, go‘yoki YHXB xodimi sifatida avtoulovlarni to‘xtatish bilan shug‘ullanayotgani aniqlangan.
Shubhali shaxs tekshirilgan vaqtda, u aslida YHXB xodimi emasligi ma’lum bo‘lgan va undan jezl, radioaloqa vositasi, hushtak, YHXB xodimining qalbaki ko‘krak nishoni va qalbaki ma’muriy huquqbuzarlik bayonnomalari rasmiylashtirib olingan.
Mazkur holat yuzasidan A.A.Ruzmatovga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Zoir Mirzayev “Telefonsiz maktab”ga 300 mln so‘m mukofot berdi
Ruslar Abrams tanklarining zaif tomonini topishdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Ispaniya va Gretsiya Kiyevga Patriot tizimlarini yetkazib berishdan bosh tortdi
Global Janub kimniki?
Uchar avtomobil yo‘lovchi bilan birinchi parvozini amalga oshirdi (video)
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi