Farzandingizga mehr bering!

Men kollejdagi faoliyatim davomida ko‘plab o‘quvchilar va ota-onalar bilan suhbatlashaman. Ota-onalarimiz orasida “Mening vazifam faqat farzandimni kiyintirish va ovqatlantirish, tarbiyasi va bilimi haqida o‘qituvchilar qayg‘ursin”, deydiganlari ko‘plab topiladi. Garchi Prezidentimiz tomonidan ta’lim sohasiga juda katta e’tibor qaratilayotgan bo‘lsa-da, haliyam bugungi kun talablarini, mezonlarini tushunib anglashga ulgurmagan ota-onalarimiz borligi tashvishlanarlidir.

Masalan, bir o‘quvchimizning ota-onasi farzandini tashlab butunlay xorijga pul topish uchun ketgan. O‘sha o‘quvchi bilan gaplashganimda, “Men o‘rtoqlarim kabi ota-onam bilan bir dasturxon atrofida o‘tirib ovqatlanishni, ularga ko‘nglimdagi gaplarimni aytib, maslahat olishni orzu qilaman”, dedi ko‘zida yosh bilan. Bu suhbatdan so‘ng uning buvisini kollejga chaqirdim. Vaziyatni tushuntirdim. Keksa ayol meni to‘g‘ri tushundi.

Ota-onalarga bir narsani ta’kidlamoqchiman: farzandlaringiz sizga Alloh bergan bebaho ne’mat, ularni yaxshi ko‘ring, hamisha yonida bo‘lishga harakat qiling. Toki ularning hayot daftari mehringiz bilan mazmunli va rang-barang bo‘lsin. Shundagina dilbandingiz ham hayotni qadrlashga, Ona Vatanni sevishga intiladi. Fursatdan foydalanib barcha buvijonlarimiz, onajonlarimiz, opaxonlarimiz va ingillarimizni bayram bilan muborakbod etaman! Jamoamizda fidoyilik bilan faoliyat ko‘rsatayotgan o‘qituvchilarimiz: Tamara Vahobova, Aziza Sarvarova, Komila Darmonova, Dilorom Oripova, Yulduz Ubaydullayeva, Nigora Arzimurodovalarga sharafli ishlarida muvaffaqiyatlar tilab qolaman!

Manba: Tasvir.uz “Zamin” yangiliklarini “Telegram”da kuzatib boring