«Yopib tashlash kerak bu kushxonalarni!»

Ukam aytib bergandi:

«Diskotekada raqs tushayotsam, ustimga kimdir o‘zini otdi. Nimqorong‘ida kimligini anglolmay, itarib yubordim. Yiqilib tushdi.

Birdan atrof qiy-chuv bo‘pketdi. Chiroq yondi va qarasam, haligi yigit yerda qonga belanib yotibdi. Meniyam ust-boshim qon. Kimdir yigitni pichoqlab, ustimga irg‘itgan.

Bir pasda militsiya keldi, olib ketishdi. Tergovchiga bor gapni aytdim. Ishongandek bo‘ldi.

– Ukam, duo qil, bola tirik qolsin. Kim pichoqlaganini o‘sha aytishi mumkin. O‘lib qolsa, ketding, – dedi tergovchi.

Yigit tirik qoldi.

Ertalabgacha militsiya pichoqlagan odamni topdi. Yigitlar qiz talashib urishib ketishgan ekan.

Alam qiladigani, o‘sha qizlarning narxi – ikki shisha pivo».

Ukam bu voqeani ancha vaqt o‘tib, diskotekalarga bormay qo‘ygach aytib bergandi.

Yopib tashlash kerak bu kushxonalarni!

Manba: Azon.uz
“Zamin”ni Telegramʻda oʻqing!