Choyning kutilmagan foydasi aytildi

G‘arbiy Avstraliya universiteti olimlarining aniqlashicha, kuniga bir chashka choy ichish yoki bir hovuch meva iste’mol qilish yurak-qon tomir kasalliklari xavfini kamaytiradi. Bu haqda Kun.uz nashri xabar bermoqda.

Mutaxassislar XX asrning 90-yillarida boshlangan Danish Diet, Cancer and Health Study uzoq muddatli tadqiqotda ishtirok etgan 53 ming kishi haqidagi ma’lumotni tahlil qilishdi. Ko‘ngillilar oziq-ovqat anketasini to‘ldirishdi, unda ular qanday mahsulotlarni iste’mol qilishgani va buni qanchalik tez-tez amalga oshirishganini ko‘rsatishdi. Sinovda qatnashganlarning salomatligi 23 yil davomida kuzatilgan. Ushbu muddat tugaganidan so‘ng, 12 ming ishtirokchida yurak ishida kamchiliklar aniqlandi.

Ma’lum bo‘lishicha, kuniga taxminan 500 milligramm flavonoidlar iste’mol qilgan ko‘ngillilarda yurak ishemik kasalligi, insult va arteriyalar periferiyasi xastaligining rivojlanish xavfi ancha past bo‘lgan. Shu bilan birga, yallig‘lanishga qarshi xususiyatlarga ega bo‘lgan flavonoidlarning kerakli miqdori bir chashka choy, chernika hamda boshqa mahsulotlarda mavjud. Biroq, chekish va spirtli ichimliklar iste’mol qilish foydali ta’sirga erishish uchun zarur bo‘lgan flavonoidlar miqdorini oshirib yuboradi. “Zamin”ni Telegramʻda oʻqing!