Toshkentda o‘quvchi maktabga to‘pponcha-pulemyot, metalldan yasalgan o‘qlar bilan kirib keldi…

Bu voqea 2019 yil 20 fevralida poytaxtdagi №5- o‘rta maktab (tuman nomi tushirib qoldirilibdi) da sodir bo‘lgan. 16 yoshli o‘quvchi, 10- sinf o‘quvchisi M. M. maktabga qo‘lida pnevmatik to‘pponcha-pulemyot, ovoz pasaytirgich, gaz sepuvchi balloncha, himoya niqobi, metalldan yasalgan o‘qlar bilan tashrif buyurdi.
Profilaktika inspektori o‘quvchining portfelini nazoratdan o‘tkazayotib yuqorida sanab o‘tilgan qurollarni topgan.
Hozirda ushbu fakt yuzasidan surishtiruv ishlari olib borilmoqda.

Ba’zi yoshlarning esa ushbu ma’lumotdan ensasi qotgan. Ular maktabga qurol olib kelishni oddiy hol deb bilisharkan. Vaholanki, pnevmatik qurol ham yaqindan otilsa, odamni o‘ldiradi. Shunday ekan, huquqni muhofaza qilish tashkiloti xodimlari bu sirning tagiga yetadi deb umid qilamiz. “Zamin”ni Telegramʻda oʻqing!